O marketing
territorial é un concepto relativamente novo, que nace do “matrimonio” entre a
Xeografía Humana e a Ciencia Económica. Trátase dunha ferramenta moi útil que
ten como obxectivo a busca do desenvolvemento sostible do territorio sendo a
súa finalidade última a satisfacción dos cidadáns, turistas e inversores que
demandan o territorio para distintos fins.
Esta técnica consiste en aplicar o marketing tan frecuentemente empregado
nas empresas sobre un territorio, que pode ser un Estado, unha rexión ou unha
cidade. Baséase na idea de que os territorios compiten por recursos financeiros
e humanos con outro territorios para compracer aos seus cidadáns e atraer
clientes e inversores. A única diferenza
co marketing empresarial é que no caso do marketing
territorial as plusvalías xeradas repártense colectivamente, polo que podemos
dicir que se trata dunha ferramenta que está ao servizo do ben común.
O marketing
territorial promove a identidade do territorio, xa que é unha condición
necesaria para poder emprender un proxecto colectivo destas características, e
por tanto crear unha imaxe de marca-territorio que se vincule a un sentimento
ou a un determinado estilo de vida. Deste xeito, o territorio convértese nun
produto, e se crea no consumidor ganas de consumilo.
A Costa da Morte podería ser un bo lugar que
vender a cidadáns en xeral, investidores e a turistas, xa que ten un gran
potencial de recursos que non están todo o explotados que deberían. Nunha zona
como é a nosa comarca, que está a perder poboación, na que a xente xove emigra
para encontrar un futuro mellor e na que non hai iniciativas empresariais que
dinamicen a economía, o marketing
territorial pode ser unha boa alternativa. Crear unha marca Costa da Morte coa
que todos os habitantes, institucións e empresas nos identifiquemos e coa que
transmitamos o noso estilo de vida pode ser a chave do desenvolvemento da
bisbarra e, quizais, un paso cara a igualdade de oportunidades entre homes e
mulleres.
Credes que o marketing
territorial sería unha boa opción para contribuír ao desenvolvemento da Costa
da Morte? Existe na nosa comarca a identidade territorial necesaria para
aplicar este instrumento? Pensades que a aplicación do marketing territorial na Costa da Morte tería efectos sobre a igualdade
entre homes e mulleres?
Penso que o marketing territorial podería axudar moito a dinamiza-la Costa da Morte. Este é un territorio do cal os seus habitantes séntense parte, e para o que poderían potenciarse os caracteres identitarios que o diferencien e permitan dar maior repercusión a unha hipotética marca Costa da Morte. Ademais, conta co innegable atractivo do cabo Fisterra, un lugar que esperta a fantasía de moita xente fóra de Galicia e mesmo de España ou de Europa, e isto podería ser mellor aproveitado, non cres?
ResponderEliminarPersoalmente, opino coma ti. Penso que o marketing territorial sería moi útil na Costa da Morte xa que a meirande parte dos seus habitantes sentimos unha enorme identidade co territorio e ademais conta con innumerables atractivos. Quizais o máis famoso, como ben dis, é o cabo Fisterra, pero existen moitos outros que poderían explotarse máis do que explotan (sempre dende a sustentabilidade, claro) e contribuír ao desenvolvemento da comarca.
ResponderEliminar